भारतातील ‘असिस्टेड वेल्थ मॅनेजमेंट’चे भविष्य घडवण्यासाठी AssetPlus ला ₹175 कोटींचा भांडवली निधीनेक्सस व्हेंचर पार्टनर्स यांच्या नेतृत्वाखाली गुंतवणूक

INDIA | १९ जानेवारी २०२६भारतातील आघाडीच्या पूर्णपणे डिजिटल-असिस्टेड वेल्थ मॅनेजमेंट प्लॅटफॉर्मपैकी एक असलेल्या ॲसेटप्लस (AssetPlus) ने ₹१७५ कोटींच्या निधी उभारणीची घोषणा केली आहे. ही फंडिंग फेरी नेक्सस व्हेंचर पार्टनर्स यांच्या नेतृत्वाखाली झाली असून, यामध्ये एट रोड्स व्हेंचर्स, नितीन कामथ यांचा रेनमॅटर फंड आणि बुपिंदर सिंग यांचाही सहभाग आहे. भारतात वितरक-केंद्रित, शाश्वत वेल्थ मॅनेजमेंट पायाभूत रचना उभारण्याच्या AssetPlus च्या दीर्घकालीन उद्दिष्टातील हा महत्त्वाचा टप्पा मानला जात आहे.केवळ व्यवहार किंवा साधनांपुरते संपत्ती निर्माण मर्यादित नसते, या मूलभूत विश्वासावर AssetPlus ची स्थापना झाली आहे. तंत्रज्ञान मानवी सल्ल्याची जागा न घेता त्याची ताकद वाढवेल, अशा समग्र ‘असिस्टेड वेल्थ मॅनेजमेंट’ परिसंस्थेची उभारणी कंपनी करत आहे. विश्वासार्ह आणि प्रमाणित वितरकांना सक्षम करून भारतीय कुटुंबांना अधिक परिणामकारक, सातत्यपूर्ण आणि व्यापक पातळीवर सेवा देता यावी, हा कंपनीचा मुख्य उद्देश आहे.AssetPlus चे सहसंस्थापक व मुख्य कार्यकारी अधिकारी विश्रांत सुरेश म्हणाले,“आमचे उद्दिष्ट केवळ आणखी एक वितरण प्लॅटफॉर्म उभारण्याचे कधीच नव्हते. मानवी सल्ला आणि तंत्रज्ञानाद्वारे मिळणारी विस्तारक्षमता यांचा संगम साधणारी वेल्थ मॅनेजमेंट पायाभूत रचना आम्ही उभारत आहोत. दीर्घकालीन दृष्टीकोनातून भारताच्या वेल्थ इकोसिस्टमला बळकटी देण्यावर विश्वास ठेवणाऱ्या गुंतवणूकदारांसोबत ही दृष्टी वेगाने प्रत्यक्षात आणण्यासाठी हा निधी महत्त्वाचा ठरेल.”उभारण्यात आलेला निधी कंपनीचा तंत्रज्ञान प्लॅटफॉर्म अधिक सक्षम करण्यासाठी, उत्पादनांची व्याप्ती वाढवण्यासाठी आणि समग्र वेल्थ मॅनेजमेंटला पाठबळ देणाऱ्या उपक्रमांसाठी वापरण्यात येणार आहे. म्युच्युअल फंड हे केंद्रस्थानी असले तरी, आरोग्य विमा आणि टर्म प्लॅन्ससारख्या सुविधांद्वारे एकाच प्लॅटफॉर्मवर संपूर्ण आर्थिक उपाय देण्याची क्षमता AssetPlus वितरकांना उपलब्ध करून देते.भारतातील गुंतवणूक क्षेत्रात सध्या मोठा संरचनात्मक बदल होत आहे. गुंतवणूकदारांचा सहभाग वाढत असून, जागरूकता वाढली आहे आणि लाखो नवोदित गुंतवणूकदार बाजारात प्रवेश करत आहेत. मात्र, ‘डू-इट-युअरसेल्फ’ (DIY) पद्धतीच्या मर्यादाही आता स्पष्ट होत आहेत. बाजारातील अस्थिरता, भावनिक निर्णय, विखुरलेली आर्थिक उत्पादने आणि दीर्घकालीन नियोजनाचा अभाव यामुळे केवळ प्रवेश पुरेसा नसल्याचे दिसून येत आहे. त्यामुळे गुंतवणूकदारांना मार्गदर्शन, संदर्भ आणि सातत्याची अधिक गरज भासत आहे.AssetPlus च्या मते, भारतातील संपत्ती निर्मितीचा पुढचा टप्पा ‘असिस्टेड मॉडेल्स’द्वारेच पुढे जाईल, जिथे तंत्रज्ञान वितरकांना जोखीम-संतुलित व उद्दिष्ट-केंद्रित गुंतवणूक सल्ला देण्यासाठी सक्षम करेल. उत्पादनांची विक्री न करता, जीवनाच्या विविध टप्प्यांनुसार आर्थिक निर्णय घेण्यास मदत करणारा हा प्लॅटफॉर्म सल्ला, अनुपालन, ऑपरेशन्स आणि विविध आर्थिक उपाय एकाच अखंड अनुभवात एकत्र आणतो.AssetPlus चे सहसंस्थापक व मुख्य तंत्रज्ञान अधिकारी अवनीश राज म्हणाले,